დევნილთა, ეკომიგრანტთა და საარსებო წყაროებით უზრუნველყოფის სააგენტომ დაბრუნებულ მიგრანტთა სარეინტეგრაციო დახმარების სახელმწიფო პროგრამის ფარგლებში განაცხადების მიღება დაიწყო. პროგრამის მიზანს ემიგრაციიდან დაბრუნებული საქართველოს მოქალაქეების რეინტეგრაციის პროცესის მხარდაჭერა წარმოადგენს. შემოსავლის წყაროს გაჩენის, დასაქმებისა და თვითდასაქმების მიზნით, ჯამში, 200-მდე დაბრუნებული მიგრანტი დაფინანსდება. პროგრამის ფარგლებში განაცხადების მიღება 4 აპრილის ჩათვლით გაგრძელდება.
ქუთაისში, 800 დევნილი ოჯახის განსახლების მიზნით 5 კორპუსი შენდება. სამუშაოების დასრულების შემდეგ, იძულებით გადაადგილებულ ოჯახებს საერთაშორისო სტანდარტების შესაბამისი ბინები გადაეცემათ.
გაგაცნობთ დეტალურ ინფორმაციას საარსებო წყაროებით უზრუნველყოფის მიმდინარე პროგრამების შესახებ #დევნილებისთვის #ეკომიგრანტებისთვის
წყალტუბოში, 420 დევნილი ოჯახის განსახლების მიზნით 6 კორპუსი შენდება. სამუშაოების დასრულების შემდეგ, იძულებით გადაადგილებულ ოჯახებს საერთაშორისო სტანდარტების შესაბამისი ბინები გადაეცემათ.
დევნილთა, ეკომიგრანტთა და საარსებო წყაროებით უზრუნველყოფის სააგენტო დევნილ ვეტერანთა ოჯახებს ქუთაისში, ახალაშენებულ კორპუსებში 60 ბინას გადასცემს. სააგენტოს დირექტორის ბესარიონ სიმონიშვილის განცხადებით, მონიტორინგს 191 ოჯახი დაექვემდებარება.
დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ბესარიონ სიმონიშვილმა, გურიის მხარის სახელმწიფო რწმუნებულის მოადგილესთან ქეთევან მოისწრაფეშვილთან ერთად, ოზურგეთისა და ჩოხატაურის მუნიციპალიტეტებში ეკომიგრანტი ოჯახებისთვის გადაცემული სახლები მოინახულა.
სააგენტოს დირექტორი ბესარიონ სიმონიშვილი, აჭარის ავტონომიური რესპუბლიკის ჯანმრთელობისა და სოციალური დაცვის მინისტრის პირველ მოადგილესთან რამაზ ჯინჭარაძესთან ერთად, ქედისა და ხელვაჩაურის მუნიციპალიტეტებში მცხოვრებ ეკომიგრანტ ოჯახებს შეხვდა და საარსებო წყაროებით უზრუნველყოფის პროგრამების შესახებ დეტალური ინფორმაცია მიაწოდა.
გერმანიის მთავრობის ფინანსური მხარდაჭერით, გორში დევნილთა დასახლების მიმდებარე ტერიტორიაზე ბავშვთა გასართობი მოედანი და დასასვენებელი სკვერი მოეწყო. ამავე პროექტის ფარგლებში, ქარელში 50 აღსაზრდელზე გათვლილი საბავშვო ბაღის სამშენებლო სამუშაოები მიმდინარეობს.
დევნილებს სასოფლო-სამეურნეო საქმიანობის ხელშეწყობის მიზნით ტექნიკა გადაეცათ
დღეს, საქართველოს მთავრობამ იძულებით გადაადგილებულ პირთა მიმართ 2021-2022 წლებში სახელმწიფო სტრატეგიის განხორციელების სამოქმედო გეგმა დაამტკიცა.
საქართველოს პრემიერ-მინისტრ ირაკლი ღარიბაშვილის განცხადებით, დევნილებისთვის სახელმწიფო სტრატეგიის განხორციელების სამოქმედო გეგმის თანახმად, უახლოესი ორი წლის განმავლობაში დამატებით 5 000-მდე დევნილ ოჯახს საცხოვრებელი ფართები გადაეცემა.